Конкурс буктрэйлераў "Мой родны кут, як ты мне мілы..." |
Новости |
Автор: Жилич Ольга Николаевна |
04.01.2019 06:56 |
ВІНШУЕМ ПЕРАМОЖЦАЎ РАЁННАГА І АБЛАСНОГА КОНКУРСУ БУКТРЭЙЛЕРАЎ “МОЙ РОДНЫ КУТ, ЯК ТЫ МНЕ МІЛЫ…” З мэтай папулярызацыі беларускай літаратуры праз рэкламаванне твораў сучасных мясцовых паэтаў, пісьменнікаў, публіцыстаў, класікаў беларускай літаратуры, жыццё і творчасць якіх звязана з Гродзеншчынай, выхавання ў навучэнцаў пачуцця патрыятызму і нацыянальнай самасвядомасці ў снежні 2018 года быў праведзены конкурс буктрэйлераў “Мой родны кут, як ты мне мілы…”
Настаўнікі беларускай мовы і літаратуры разам з вучнямі змаглі прадставіць новыя формы, падыходы да асэнсавання твораў беларускіх пісьменнікаў-землякоў, якія зрабілі ўклад у развіццё беларускага мастацкага слова. Найбольш тэхнічна якасна і змястоўна выкананы работы вучнямі шэрагу школ, за што і былі ўзнагароджаны дыпломамі. Раённы ўзровень І намінацыя – вучні V-VІІІ класаў устаноў агульнай сярэдняй адукацыі: I ступень Лісоўскі Д., Пачук А., Станкевіч М., Явароўскі А., вучні ДУА “Сярэдняя школа № 5 г.Слоніма” (буктрэйлер па кнізе В.Супруна “Дзеі над Шчарай”). II ступені Фядосік Іван, вучань ДУА “Сярэдняя школа № 2 г.Слоніма” (буктрэйлер па творы А.Якімовіча “Рыжык”). III ступені Ракевіч К., Ціханоўскі П., вучні ДУА “Сярэдняя школа № 9 г.Слоніма” (буктрэйлер па творы С.М.Новіка-Пеюна “Вечар над Шчарай”). Грыпіч У., вучаніца ДУА “Парэцкая базавая школа Слонімскага раёна” (буктрэйлер па паэме Я.Коласа “Новая зямля”). ІІ намінацыя – вучні ІХ-ХІ класаў устаноў агульнай сярэдняй адукацыі: I ступень Жыткевіч А, Сідорык Д., Пракапчук У., Лукашэвіч А., вучні ДУА “Слонімскі раённы ліцэй” (буктрэйлер па кнізе С.Чыгрына “Шчырая Шчара”). II ступені Равінская Юлія, вучаніца ДУА “Жыровіцкая сярэдняя школа Слонімскага раёна” (буктрэйлер па зборніку вершаў Алега Бембеля (Зніча) “…Апошняму беларусу…”). III ступені Губарэвіч І., Халецкая Д., вучні ДУА “Сярэдняя школа № 3 г.Слоніма” (буктрэйлер па творы А.Якімовіча “Бізнес”). Абласны ўзровень I ступень Лісоўскі Д., Пачук А., Станкевіч М., Явароўскі А., вучні ДУА “Сярэдняя школа № 5 г.Слоніма” (буктрэйлер па кнізе В.Супруна “Дзеі над Шчарай”). I ступень Жыткевіч А, Сідорык Д., Пракапчук У., Лукашэвіч А., вучні ДУА “Слонімскі раённы ліцэй” (буктрэйлер па кнізе С.Чыгрына “Шчырая Шчара”). Віншуем навучэнцаў! Жадаем новых поспехаў, перамог і творчага натхнення. |
Обновлено ( 04.01.2019 09:21 ) |