ВІНШУЕМ ПЕРАМОЖЦАЎ РАЁННАГА ЭТАПУ РЭСПУБЛІКАНСКАГА ТВОРЧАГА КОНКУРСУ ЮНЫХ ЧЫТАЛЬНІКАЎ “ЖЫВАЯ КЛАСІКА” |
Новости |
Автор: Жилич Ольга Николаевна |
29.04.2017 15:35 |
28 красавіка 2017 года на Слонімшчыне адбылося сапраўднае свята беларускага слова. 72 вучні ўстаноў агульнай сярэдняй адукацыі і дадатковай адукацыі дзяцей і моладзі прынялі ўдзел у раённым этапе рэспубліканскага творчага конкурсу юных чытальнікаў “Жывая класіка”, які прайшоў пад дэвізам “Чытаем шмат, чытаем разам, ствараем сябе і краіну!”. Арганізатарамі конкурсу сталі аддзел адукацыі, спорту і турызму Слонімскага райвыканкама, масава-палітычнае выданне “Слонімскі веснік”, ТАА “Слонімскае кабельнае тэлебачанне”, літаратурнае аб’яднанне імя А.Іверса. Члены журы адзначылі, што правядзенне конкурсу такога ўзроўню садзейнічае пошуку і падтрымцы таленавітай моладзі, павышэнню цікавасці дзяцей і падлеткаў да чытання, выхаванню падрастаючага пакалення на лепшых узорах нацыянальнай літаратуры. Удзельнікі конкурсу прадэманстравалі высокі ўзровень выканаўчага майстэрства, сцэнічнай культуры і артыстызму, творчай інтэрпрэтацыі ў прадстаўленні нумара і былі ўзнагароджаны дыпломамі: I ступені Струпавец Паліна, вучаніца ДУА “Сярэдняя школа № 5 г.Слоніма” (узроставая катэгорыя 1-4 класы); Шпак Вольга, вучаніца ДУА “Сярэдняя школа № 3 г.Слоніма” (узроставая катэгорыя 5-6 класы); Чылік Раман, вучань ДУА “Слонімскі раённы цэнтр творчасці дзяцей і моладзі” (узроставая катэгорыя 7-8 класы); Лісік Аляксандра, вучаніца ДУА “Міжэвіцкая сярэдняя школа Слонімскага раёна” (узроставая катэгорыя 9-10 класы); II ступені Ёрш Анастасія, вучаніца ДУА “Сярэдняя школа № 10 г.Слоніма” (узроставая катэгорыя 1-4 класы); Кібок Лаўрэнцій, вучань ДУА “Касцянёўская базавая школа Слонімскага раёна” (узроставая катэгорыя 5-6 класы); Байдэнка Ягор, вучань ДУА “Сярэдняя школа № 8 г.Слоніма” (узроставая катэгорыя 7-8 класы); Пятроўскі Уладзіслаў, вучань ДУА “Слонімскі раённы цэнтр творчасці дзяцей і моладзі” (узроставая катэгорыя 9-10 класы); III ступені Каштальян Ілона, вучаніца ДУА “Сярэдняя школа № 8 г.Слоніма” (узроставая катэгорыя 1-4 класы); Кавалеўская Кацярына, вучаніца ДУА “Сярэдняя школа № 5 г.Слоніма” (узроставая катэгорыя 5-6 класы); Мажэйка Лізавета, вучаніца ДУА “Сярэдняя школа № 7 г.Слоніма” (узроставая катэгорыя 7-8 класы); Шундрык Вікторыя, вучаніца ДУА “Сярэдняя школа № 10 г.Слоніма” (узроставая катэгорыя 9-10 класы). Акрамя дыпломаў пераможцы атрымалі каштоўныя падарункі ад масава-палітычнага выдання “Слонімскі веснік”, ТАА “Слонімскае кабельнае тэлебачанне” і гандлёвага прадпрыемства “СмартДом”. Віншуем пераможцаў конкурсу! Жадаем новых поспехаў і творчага натхнення! |
Обновлено ( 03.05.2017 14:33 ) |