Міжнародны дзень роднай мовы |
Новости |
Автор: Жилич Ольга Николаевна |
23.02.2018 21:35 |
Ва ўсіх установах адукацыі Слонімскага раёна з 19 лютага стартавала Дэкада беларускай мовы, літаратуры, культуры і мастацтва. Традыцыйна ў гэты перыяд праводзяцца рознабаковыя мерапрыемствы адукацыйнага характару, якія садзейнічаюць папулярызацыі творчасці беларускіх пісьменнікаў, ладзяцца сустрэчы з паэтамі і пісьменнікамі, канферэнцыі, метадычныя семінары, літаратурныя гасцёўні і вечарыны, прэзентацыі кніг і інш.
21 лютага да Міжнароднага дня роднай мовы праведзена раённае мерапрыемства для вучняў 5-8 класаў. Гасцінна расчыніла дзверы ДУА “Сярэдняя школа № 2 г.Слоніма” і правяла канцэрт інструментальнай беларускай музыкі “Гэта зямля наша спявае…”. У рамках гэтага свята прайшло шмат іншых мерапрыемстваў: інфармацыйная гадзіна “Ад прадзедаў спакон вякоў…” сярод 5-11 класаў; конкурс “Бацькоўская спадчына” сярод 6 класаў; выстава “Маё любімае беларускае слова” сярод 5-7 класаў; тэматычная хвілінка “21 лютага – Міжнародны дзень роднай мовы. З гісторыі свята” сярод 5-11 класаў; вусны часопіс “Дзве мовы сталі блізкімі мне змалку” сярод 6 класаў; конкурс знаўцаў беларускага фальклору “ Скарбы роднага краю” сярод 5 класаў; конкурс чытальнікаў “ Мова!.. Ты свецішся словам кожным!” сярод 8-11 класаў. Такім чынам, Дзень роднай мовы – гэта дзень, калi варта пацвердзiць вядомае: чытаць, пiсаць i думаць па–беларуску здольны кожны. Бо мова — тое, што нас аб’ядноўвае i робiць унiкальнымi. |
Обновлено ( 23.02.2018 21:42 ) |